"La livella"

"A livella" di Antonio De Curtis (in arte Totò)

Mi perdonino gli ammiratori del Principe (io stessa sono tra le piu' accanite sostenitrice della Sua arte) per aver osato "tradurre" questa bellissima poesia dal dialetto napoletano, cosi' come e' stata scritta da Antonio de Curtis, nel nostro dialetto.  

Il mio intento è semplicemente quello di far conoscere questa opera in versi anche nella nostra lingua.

Col permesso del Principe a cui va tutto il mio rispetto e amore....

'A livedda

Ogni annu, u rui novembri, c’è l’usanza
di truvari i mutticeddi o Cimiteru
Ognunu à seguiri sta usanza
Ognunu à aviri stu pinseru.

Ogni annu, puntualmenti, na stu ionnu,
na sta tristi e dulurusa ricurrenza
macari iu ci vaiu, e che ciuri adunnu
u loculu di mammuru da ‘za Vicenza.

Avannu mi capitau n’ avvintura…
dopu ca puttai u tristi omaggiu
Marunnuzza!, si ci pensu, chi gran paura!
ma poi mi fici anima e curaggiu.

‘U fattu e’ chistu, statimi a sentiri:
s’ava fattu l’ura da chiusura:
e iu, alleggiu alleggiu,  stavu pi nesciri
rannu l’occhiu a qualchi sipultura.

"Qui dorme in pace il nobile marchese
signore di Rovigo e di Belluno
ardimentoso eroe di mille imprese
morto l'11 maggio del'31"

‘U stemma ca curuna supra a tuttu…
... sutta na cruci tutta di lampadini;
tri mazzi di rosi  cu  na lista di luttu:
cannili,  cannileddi e sei lumini.

Propriu attagghiu a tomba di ‘stu signuri
ci stava n’autra tomba nicaredda                                                                   abbannunata, senza mancu un ciuri;
e pi signu,  sulu na crucedda

E supra a cruci a stentu si liggeva
"Esposito Gennaro - netturbinu":
a talialla,  chi pena ca faceva
stu mortu senza mancu nu luminu!

Chista è a vita! na me testa pinzava...
cu avutu tantu e cu nun’avi nenti!
Stu puurazzu marunnuzza s’aspittava
ca macari all’autru munnu era pizzenti?

Mentri iu fantasticava stu pinseru,
s’ava fattu già quasi menzannotti,
e  iu  arristai chiusu prigiuneru
mottu  di scantu… ravanti i cannilotti.

Tuttu a ‘ntrattu, chi viru di luntanu?
dui umbri avvicinarisi a patti mia…
Pinsai: stu fattu a mia mi pari ‘npocu stranu…
Sugnu arrusbigghiatu… rommu, o è fantasia?

Autru ca fantasia: era u Macchisi:
cu cilundru, a caramella  e co  pastranu;
e l’autru appressu a iddu nu bruttu arnisi;
tuttu fitenti e cu na scupa na manu

Chiddu è sicuramenti don Gennaru…
‘u mortu puurazzu’... u scupaturi’.
‘Na stu fattu iu nun ci viru chiaru:
su morti e s’arritirunu a st’ura puri?

Putevunu stari di mia quasi a’nu palmu,

quannu u Macchisi si fimmau di bottu,                                                      
si furria e friscu friscu … calmu calmu,
rissi a don Gennaru: "Giovanottu!

Da Voi vorrei saper, vile carogna,
con quale ardire e come avete osato
di farvi seppellir, per mia vergogna,
accanto a me che sono blasonato!

La casta è casta e va, sì, rispettata,
ma Voi perdeste il senso e la misura;
la Vostra salma andava, sì, inumata;
ma seppellita nella spazzatura!

Ancora oltre sopportar non posso
la Vostra vicinanza puzzolente,
fa d'uopo, quindi, che cerchiate un fosso
tra i vostri pari, tra la vostra gente"

“Signo’  Macchesi, a cuppa non nne a mia,
iu nun vi’avissi fattu stu tottu;
me mugghieri fu a fari ‘sta fisseria,
iu chi puteva fari se ieru mottu?

Si fussi vivu vi facissi cuntentu,
pighiassi a cascitedda che quattr’ossa
e propriu ora… ‘na stu mumentu
mi ni trasissi intra a n’autra fossa”.

"E cosa aspetti, oh turpe malcreato,
che l'ira mia raggiunga l'eccedenza?
Se io non fossi stato un titolato
avrei già dato piglio alla violenza!"

“ Fammi a viriri… pigghia sta viulenza…
‘A verità, Macchì, iu mi siddiiai
di sentirivi; e su peddu a  pacienza,
mi scoddu ca sugnu mottu e su coppa assai!..

Ma chi ti criri di esseri… nu diu?
Ca rintra, u voi capiri,  ca semu uguali?
… Mottu si tu e mottu sugnu macari iu:
ognunu comu nascemu semu tali e quali!.                                                                             

"Lurido porco!...Come ti permetti
paragonarti a me ch'ebbi natali
illustri, nobilissimi e perfetti,
da fare invidia a Principi Reali?".

“Ma quali Natali Pasqua e Pifania!!!
Ti voi mettiri ‘na testa.. intra o ciriveddu
ca si ancora malutu di fantasia?...
A morti u sai chi è?... è ‘na livedda.

‘Nu re, nu magistratu, nu gran’omu
trasennu stu canceddu ha fattu u puntu
c’ha pessu tuttu, a vita e puru u nomu:
e tu nu ‘nta fattu ancora stu cuntu?

Pecciò, stammi à sentiri… nun fari u ristiu,
suppottimi vicinu.. chi ti ni ‘mpotta
Sti pagliacciati i fanu sulu i vivi:
nuatri semu seri… appattenemu a motti!”